Biz Azərbaycan Respublikası ərazisində təsis edilmiş və fəaliyyət göstərən ödəniş xidməti təchizatçısıyıq. Haqqımızda daha ətraflı məlumatlar aşağıdakı kimidir:

• Adı: “PashaPay” MMC (PashaPay)
• Ünvanı: Bakı şəhəri, Nəsimi rayonu, Neftçilər prospekti, ev 153
• Qeydiyyat nömrəsi: 1300615891
• Elektron poçt ünvanı: [email protected]
• Telefon nömrəsi: +994124044110

Fərdi məlumatlarınızın mülkiyyətçisi kimi biz proqram təminatı, ödəniş terminalları, bankomatlar, internet səhifələrimiz və digər məhsullarımız vasitəsilə sizin haqqınızda geniş məlumatlar toplayırıq. Haqqınızda topladığımız fərdi məlumatların kateqoriyaları aşağıdakı kimidir:
• Ad, soyad, ata adı;
• Doğum tarixi və yeri;
• Ünvan;
• Şəxsiyyət vəsiqəsi məlumatları;
• Aşağıdakılar da daxil olmaqla, lakin bununla məhdudlaşmamaq şərtilə maliyyə məlumatları:
Ödəniş kartınızı emissiya edən təşkilatın və hesabınıza xidmət göstərən ödəniş xidməti təchizatçısı barədə məlumatlar;
Bank hesabınızda və ya digər ödəniş hesablarınızda olan vəsaitin məbləği;
Kredit tarixçəniz;
Kreditin qaytarılması qrafiki;
Ödəniş əməliyyatı məlumatlarınız (əməliyyatı eyniləşdirməyə imkan verən nömrə, əməliyyatın tarixi və məbləği, qəbul edən şəxsin, ticarət nöqtəsinin adı və ünvanı, ticarət nöqtəsinin fəaliyyət kodu (MCC) və digər məlumatlar).
• Aşağıdakılar daxil olmaqla, lakin bununla məhdudlaşmamaq şərtilə cihazınız məlumatları:
Telefon, kompüter və ya digər cihazınızın IP ünvanı;
Cihazınızın markası, əməliyyat sisteminin növü, brauzer və digər məlumatları;
Real vaxt rejimində geolokasiya məlumatları;
Cihazınız barədə sizi eyniləşdirməyə imkan verən digər məlumatlar (məsələn, cihazınızın İMEİ nömrəsi, MAC adresi və s.);
İstifadə məlumatları. Məhsullarımız üzrə sizin hərəkətləriniz və məhsullarımızdan istifadə barədə digər məlumatlar, bununla məhdudlaşmamaq şərtilə veb tarixçəsi, axtarış tarixçəsi, diaqnostik məlumatlar və s.
• Elektron poçt ünvanı;
• Telefon nömrəsi;
• Əmək (iş yeri, iş stajı, əmək haqqının məbləği və digər məlumatlar) və sosial sığorta məlumatları;
• Biometrik məlumatlar (barmaq izi və s.)
• Kukilər
• Kontaktlar siyahısı – hesabdan hesaba (bir elektron pul kisəsindən digər elektron pul kisəsinə vəsaitlərin köçürülməsi üçün).

m10 platformasında elektron pul kisələri istifadəçilərin telefon nömrələrinə bağlıdır. Buna görə də, siz m10 platformasında elektron pul kisələri arasında vəsaitlərin köçürülməsi üzrə əməliyyatlar başlatdıqda, biz sizin kontakt məlumatlarınızı işləyirik. Bu, bizə elektron pul kisələrinin sahiblərini eyniləşdirməyə və əməliyyatların icrasını sizin üçün daha rahat etməyə imkan verir.

İnternet səhifələrimizə daxil olarkən biz sizdən “kukilər” adlanan fərdi məlumatları toplaya bilərik. Kukilər cihazınızı eyniləşdirməyə imkan verən kiçik mətn fayllarda yerləşən məlumatlardır. Həmin məlumatları işləmək, cihazınızı müəyyən etmək və sizi fərdiləşdirməkdə əsas məqsədimiz davranışınızı analiz etməkdir. Anlayırıq ki, işlədiyimiz kukilərin növündən asılı olmayaraq, həmin məlumatlar sizin şəxsiyyətinizi müəyyən etməyə imkan verirsə, həmin məlumatlar fərdi məlumatlar hesab olunur və onlar qanunvericiliyə uyğun olaraq işlənilməlidir.
Kukiləri bu Məxfilik siyasətində müəyyən edilmiş qaydada və məqsədlər üçün işləyirik

Bizdə olan fərdi məlumatlarınız sizin və hər hansı üçüncü tərəfin (resursun) bizə təqdim etdiyi məlumatlar və ya bizim birbaşa olaraq topladığımız məlumatlardan ibarətdir. Bu bölmədə sizi fərdi məlumatlarınızı necə və hansı mənbələrdən topladığımızla bağlı məlumatlandırırıq.

• Birbaşa olaraq sizdən topladığımız məlumatlar. Bu məlumatlar, əsasən, sizin cihazınız barədə topladığımız məlumatlar, həmçinin platforma və məhsullarımızdan istifadəniz nəticəsində əldə etdiyimiz məlumatlardan ibarətdir.
• Açıq mənbələrdən topladığımız məlumatlar. Biz açıq mənbələrdən sizin haqqınızda məlumatlar toplaya bilərik. Bu cür açıq mənbələr internet səhifələri, sosial şəbəkələr, peşəkar media və digərlərindən ibarətdir.
• Bizə təqdim etdiyiniz məlumatlar. Ən çox işlədiyimiz məlumatlar bu kateqoriyadan olan məlumatlardır. Bu cür məlumatlara ad, soyad, ata adı, ünvan, doğum tarixi, doğum yeri, maliyyə məlumatları və digər məlumatlar daxildir.
• Üçüncü tərəflərin təqdim etdiyi məlumatlar. Bu növ məlumatlar ad, soyad, ata adı, ünvan, doğum tarixi, doğum yeri, ailə tərkibi, maliyyə, sığorta və sair məlumatlar daxildir.  Bizə bu məlumatları üçüncü tərəflər təqdim edirlər. Bu məlumatların ötürülməsi üçün hüquqi əsasın müəyyən edilməsi həmin məlumatların mülkiyyətçisi olaraq üçüncü tərəflərin məsuliyyətidir.

Fərdi məlumatlarınızı əvvəlcədən sizə bəyan etdiyimiz məqsədlər üçün toplayır və işləyirik.. Həmin məqsədlər aşağıdakılardan ibarətdir:

• Sizə xidmət göstərmək. Bizdən sifariş etdiyiniz xidmətləri göstərə bilməyimiz üçün fərdi məlumatlarınızı işləməliyik. Məsələn, ödəniş hesabı aça bilməyiniz üçün biz sizin ad, soyad, ata adı, telefon nömrəsi, şəxsiyyət vəsiqəsi məlumatları və sair məlumatlarınızı, pul köçürmələri üçün sizin və qəbul edən şəxsin məlumatlarını işləməli oluruq.
• Müştəri davranışının qiymətləndirilməsi. Biz sosial skorinq etmirik, lakin məhsullarımızı və platformalarımızı tələblərə uyğun qurmaq üçün müştəri davranışını ölçməli ola bilərik. Bu, bizə xidmətlərimizi təkmilləşdirməkdə və sizə ən uyğun məhsulları təklif etməkdə kömək edə bilər.
• Maliyyə və risk skorinqi. Sizə xidmətlər təklif etmək üçün sizin maliyyə vəziyyətinizi qiymətləndirə bilərik. Məsələn, hər hansı məhsulun satışı sizin gəlirinizdən asılıdırsa, sizin gəlirinizi qiymətləndirə bilərik.
• Marketinq. Sizə bizim və tərəfdaşlarımızın göstərdiyi xidmətləri təklif edə bilmək üçün fərdi məlumatlarınızı işləyirik. Məsələn, sizə maraqlı ola biləcək məhsullarımızı sizə təqdim etmək üçün məlumatlarınızı işləyə bilərik. Həmçinin məsələn sizinlə əlaqə saxlayıb tərəfdaşlarımızın kredit məhsullarını təklif edə bilərik.
• Bizim və tərəfdaşlarımızın xidmətlərinin təkmilləşdirilməsi. Təklif edilən xidmətləri müştərilərin tələblərinə ən yaxşı şəkildə uyğunlaşdırmaq üçün davamlı olaraq xidmətlərimizi, platformalarımızı və digər məhsullarımızı təkmilləşdiririk.
• Təhlükəsizliyin təmin edilməsi. Xidmətlərimizin və məhsullarımızdan istifadənizin təhlükəsizliyini təmin etmək məqsədilə biz təhlükəsizlik tədbirlərimizi təkmilləşdiririk. Bu məqsədlə biz sizi və əməliyyatlarınızı autentifikasiya etmək üçün fərdiləşdirilmiş təhlükəsizlik məlumatları ilə təmin edirik.

Biz məlumatlarınızı daxili məlumat emalı mərkəzlərimizdə və bulud infrastrukturumuzda saxlaya bilərik. Hazırda biz sizin məlumatlarınızı aşağıdakı məlumat emalı mərkəzlərində saxlayırıq:

• Daxili məlumat emalı mərkəzlərimizdə;
• “PASHA Technology” MMC-nin bulud infrastrukturunda

Biz şifrələmə, heşinq, psevdonimizasiya (ləqəbləşdirmə) və digər qabaqcıl təşkilati və texniki tədbirlər tətbiq etməklə məlumatlarınızın təhlükəsizliyini təmin edirik. Məlumatlar məlumat emalı mərkəzində saxlanılarkən və mübadilə edilərkən, biz onları şifrələyirik.

Yuxarıda açıqladığımız kimi, biz özümüzün və tərəfdaşlarımızın məhsullarının marketinqini həyata keçirir və onları təkmilləşdiririk. Bundan əlavə, biz banklardan, bizə texniki dəstək göstərən şəxslərdən, məsləhətçilərdən və digər şəxslərdən xidmətlər alırıq. Bu məqsədlə bəzən məlumatlarınızı üçüncü tərəflərə ötürə bilərik. Bu üçüncü tərəflər aşağıdakılardır:

• Məsləhətçilər;
• Auditorlar;
• Texniki, marketinq, analitika və digər xidmət təminatçıları;
• “PASHA Holding” MMC qrupuna daxil olan şirkətlər;
• Müəyyən məlumatları tələb etməyə səlahiyyəti olan dövlət orqanları;
• Məhkəmələr.

Məlumatlarınızı qeyri-müəyyən, lakin bu Məxfilik siyasətində müəyyən edilmiş məqsədlərin həyata keçirilməsi üçün lazım olan müddətdə saxlayırıq. Bu Məxfilik siyasətinə uyğun olaraq məlumatlarınızı işləmək zərurəti olmadıqda, biz məlumatları məhv edəcəyik və onların surətlərini siləcəyik.

Xahiş edirik, nəzərə alasınız ki, biz bu Məxfilik siyasətini müntəzəm olaraq yeniləyə və ona dəyişikliklər edə bilərik. Yenilənmiş və ya dəyişikliklər edilmiş Məxfilik siyasətinin mətnini qüvvəyə minməzdən ən azı 3 (üç) gün əvvəl sizə təqdim edəcəyik.

Məlumatlarınızın işlənilməsi ilə bağlı hər hansı sualınız olarsa, bizimlə əlaqə saxlamağa çəkinməyin. “Biz kimik?” bölməsində göstərilən əlaqə məlumatlarından istifadə etməklə və ya sizə təqdim etdiyimiz platformalar (platforma ilə bağlı məsələlərdə) vasitəsilə bizimlə əlaqə saxlaya bilərsiniz